त्रिशुली नदिमा ट्रक खस्यो, चालकको ज्यान गयो

१२ चैत,चितवन/मुग्लिन–नारायणगढ सडकखण्डको चितवन जिल्लाको चौधकिलो भन्ने स्थानबाट त्रीशुली नदिमा ट्रक खस्दा चालकको मृत्यु भएको छ ।

दुर्घटनामा परी सहचालक घाइते छन् । आज बिहान करिब साढे ६ बजे बागमती प्रदेश ०३–००१ ख ४८७४ नम्बरको ट्रक आफैं अनियन्त्रित भई त्रिशूलीमा खसेको थियो ।

दुर्घटनामा परी ट्रक चालक रौतहट घर भएका अन्दाजी ३०/३५ वर्षीय रामनारायण यादवको मृत्यु भएको र सहचालक रौतहटकै १९ वर्षीय असुन्द्र कुमार यादव घाइते भएको चितवन प्रहरीले जनाएको छ ।