बहुआयामिक छात्रावास भवन नगरप्रमुख आइतमानबाट शिलान्

२३ चैत्र, / मेलम्ची नगरपालिकाले बहुआयामिक छात्रावास भवन बुधबार एक कार्यक्रम गरी मेलम्ची नगर प्रमुख आइतमान तामाङले शिलान्यास गर्नु भएको छ । मेलम्ची नगरपालिका वडा नं. ९ गुफाडाँडामा रहेको श्री कयौले ठाना आधारभूत विद्यालयको छात्रावास भवन करिब ६ करोड लागतको डिपिआर तयार पारी शिलान्यास गरी निर्माण कार्य थालनि गरेको हो । पहिलो बर्ष नगरपालिकाबाट विनियोजित ६५ लाख रकमबाट काम शुरु हुने र बाँकी काम आर्को बर्षमा समावेश गरेर बहुवार्शीय ठेक्का लाउने प्रतिवद्वता ब्यक्त गर्नु भयो । यस स्थानमा बन्न लागेको बहुआयामिक छात्रावासले विद्यालयका विद्यार्थीलाई मात्र नभई गुफाडाँडा घुम्न आउने पर्यटकका लागि समेत सेवा दिने गरी निर्माण हुने प्रमुख तामाङले बताउनु भयो। साथै छात्रावास निर्माण संगै विद्यालयको शैक्षिक अवस्था सुधार लगायत पर्यटन प्रवर्द्धनका लागि समेत टेवा पुग्ने प्रमुख तामाङले विश्वास व्यक्त गर्नु भयो । यस वर्ष २०८२ सालको जेठ मसान्तभित्र सम्पन्न गर्ने गरी सम्झौता गरेका भवन निर्माणको जिम्मा एस.एस.डि कन्स्ट्रक्सन प्राइभेट लिमिटेडले पाएको छ।