१५ चैत, काठमाडौं / राजतन्त्रका प्रदर्शनमा उत्रिएका व्यक्तिहरुले काठमाडौंको तीनकुनेस्थित कान्तिपुर टेलिभिजनको कार्यालयमा ढुंगामुढा गरेका छन् । एउटा गाडीमा आगलागी र एउटा बाइकमा तोडफोड भएको हो । उक्त कार्यालय भवनसहित त्यस क्षेत्रका केही भवनमा ढुंगामुढा गरिएको छ ।
उपत्यकाका विभिन्न क्षेत्रबाट जुलुसहित तीनकुने पुगेका राजावादी समूहका प्रदर्शनकारीहरू उच्छंखल गतिविधिमा उत्रिएपछि अवस्था तनावग्रस्त बनेको छ । ढुंगामुढा, तोडफोड र आगलागीबाट के कति क्षति भयो भन्ने यकिन भइसकेको छैन ।