परिक्षा दिएर फर्केका बालक घर पुगेनन्, आमा बुबा छोराको खोजिमा

चैत्र ११, धादिङ / धादिङ जिल्ला सिद्धलेक गाउँपालिका वडा नं. ३ वस्ने बुबा गुमाने नेपाली र आमा सुस्मिता गैरेको छोरा विद्यालयबाट परिक्षा दिएर घर नफर्के पछि उनको खोजि भै रहेको प्रहरीले वताएको छ । सिद्धलेक गाउँपालिका वडा नं. ३ मैदानमा रहेको पञ्चमुखी माध्यामिक विद्यालय कक्षा ८ मा अध्ययनरत विजय नेपाली चैत्र १० गते परिक्षा दिएर घर नफर्के पछि उनको खोजि कार्य भएको हो ।

आफ्नो आफन्त संग वुझदा पनि कही कतै नभेटे पछि आमा बुबा चिन्तित भएका हुन । काठमाण्डौ तर्फ जाने सवारी चडेर गएको भन्ने छिमेकीले वताए पनि कस्तो सवारी चडेर गएको भन्ने कुरा अस्पष्ट भएको वताईएको छ । भेट्न हुने जो कोहीले प्रहरीलाई खवर गर्न वा मोवाईल नंं. ९८४९७१०७२५ र ९८६२७९६२२२ मा सम्पर्क गरि दिन हुन पनि परिवारले आग्रह गरेको छ ।