टुँडिखेलमा सामूहिक नमाज हुदै

१८ चैत  काठमाडाैँ / रमजान महिनाको ३० दिनको ‘रोजा’ व्रत आइतबार पूरा भएको थियो । उनीहरूले रोजा व्रतपछि आज ‘इद–उल–फित्र’ मनाउन लागेका हुन् । केही मुस्लिमले ‘इद–उल–फित्र’को नमाज मस्जिदमा त केहीले ‘इदगाह’मा सामूहिक भेला भइ दुई रिकात नमाज पढेर सम्पन गर्छन् ।

यसै क्रममा मुस्लिम समुदायका मानिसहरू काठमाडौंको टुँडिखेलमा भेला भएर सामूहिक रूपमा नमाज पढेका छन्। नमाज पूरा गरेपछि एकअर्कालाई अंकमाल गरेर बधाई साटासाट गरे ।

उनीहरूले आज घरमा विभिन्न परिकार पकाएर खाने गर्दछन् । रमजान महिना उर्दू पात्रोको अनुसार नवौं महिना हो । यो पर्वको ७० औं दिनमा बकरिद अर्थात ‘इदउलअजहा’ पर्व मनाउने गर्दछन् ।

यस अवसरमा मुस्लिमहरु ‘हज’ का लागि साउदी अरबको मक्का मदिना पनि जान्छन् ।इद–उल–फित्रको अवसरमा राष्ट्रपति, उपराष्ट्रपति, प्रधानमन्त्री, सभामुख लगायत उच्च पदस्थ व्यक्तिहरूले शुभकामना व्यक्त गरेका छन् ।
सोही अवसरमा सरकारले आज देशभर सार्वजनिक बिदा पनि दिएको छ ।