प्रहरीको गोली लागेर घाइते रेविकाको न्यायका लागि विद्यार्थीको प्रदर्शन

१९ चैत काठमाडौँ / राजावादीहरूको आन्दोलनमा गोली लागेर घाइते भएकी रेविका खत्रीको लागि न्याय माग्दै कोटेश्वर क्याम्पसका विद्यार्थीहरूले मंगलबार प्रदर्शन गरेका छन् । चैत १५ गते भएको हिंसात्मक प्रदर्शनमा प्रहरीले चलाएको गोली लागेर कोटेश्वर बहुमुखी क्याम्पसका बीबीएस तेस्रो वर्षमा अध्ययनरत विद्यार्थी रेविका खत्री घाइते भएकी हुन् ।

आन्दोलनमा आफ्नै निवास नजिक गोली लागेकी खत्रीको हाल अस्पतालको आईसीयुमा उपचार भइरहेको छ । उनको न्यायको लागि र दोषीलाई कडाभन्दा कडा कारबाही माग राखी विद्यार्थीहरूले आज प्रदर्शन गरेका हुन् ।