सुशान्त केसीले ल्याए पहिलो फिल्मी गीत

काठमाडौं युवापुस्ताका चर्चित गायक सुशान्त केसीको पहिलो फिल्मी गीत युट्युबमा सार्वजनिक भएको छ । प्रदर्शन तयारीमा रहेको फिल्म ‘कर्मा’को मौलिक गीत (ओएसटी)मा उनको स्वर र संगीत छ ।‘पागल’ बोलको गीतको यो म्युजिक भिडियोलाई फिल्मको कथानुसार रचना गरिएको छ । फिल्मका शीर्ष कलाकार विपिन कार्की र उपासनासिंह ठकुरीसहित सुशान्त स्वयम गीतमा फिचर्ड छन् ।

केसी सन् २०२४ मा इन्टरनेट प्लाटफर्ममा सबैभन्दा धेरै हेरिने र सुनिने नेपाली संगीतकर्मी हुन् ।, युट्युब म्युजिक, आइट्युन्स र स्पोटीफाईमा केसीलाई सुन्नेको संख्या उच्च छ ।
सुशान्तले आफ्नै युट्युब च्यानलबाट सार्वजनिक गरेको गीतले प्रशंसकको मन जित्ने अपेक्षा गर्न सकिन्छ । २९ चैतमा प्रदर्शन तयारीमा रहेको फिल्म ‘कर्मा’लाई सौरभ चौधरीले निर्देशन गरेका हुन् ।

पछिल्लो समय फिल्महरूले ओएसटीका लागि चर्चित कलाकारलार्ई अनुबन्धित गर्ने क्रम बढ्दो छ । ‘लाज शरणम्‌’को ओएसटी बालेनले गाएका थिए । दुर्गेश थापाले पनि ‘कर्मा’को एक गीत गाएको खबर छ ।